Нетпрес, 18.03.2010

 

Естонските власти соопштија дека во четвртокот полски товарен авион итно слетал на замрзнато езеро во близина на естонската престолнина поради проблеми со моторот и опремата за слетување. Портпаролот на Министерството за економија Калев Вапер изјавил дека еден од шесте членови на екипажот имал помали повреди во авионот АН26 што се упатувал од Финска за Естонија, но слетал на замрзнатото езеро поради проблеми со моторот, пренесува АП. Вапер исто така изјавил дека авионот се подготвувал да слета на аеродромот во Талин кога екипажот се соочил со неактивен дел од опремата за слетување, еден од моторите почнал да откажува, при што екипажот одлучил да го слета авионот на езерото. Естонските власти соопштиле дека овој настан ќе го истражуваат во иднина.