Нетпрес, 14.04.2010

 

Црногорската авиокомпанија Монтенегро ерлајнс ги откажала денешните летови за Лондон, Франкфурт и Париз поради проблемите кои во меѓународниот авиосообраќај ги предизвика пепелот од Исланд.

Од црногорската авиокомпанија за српската новинска агенцијата Бета било кажано дека летовите се откажани поради затворање на аеродромите, како и дека авионите на таа компанија летаат кон европските земји кои не ги затвориле своите воздушни простори.

Ерупцијата на вулканот на Исланд исфрлила огромен облак од пепел кој носен од ветровите се проширил јужно и источно од Исланд и ги принудил властите во неколку земји потполно да ги затворат своите воздушни простори.