Алфа ТВ, 18.04.2010

 

Аеродромите низ многу европски земји, постепено почнаа да се отвораат попладнево по неколкудневен прекин во авиосообраќајот кој беше предизвикан од облаците од пепел и прав кои се појавија над Европа по ерупцијата на вулканот на Исланд. Сепак, се уште има голем дел од континетот каде има забрана за летање.Велика Британија – Целиот воздушен простор ќе биде затворен до 20 часот по локално време.Ирска – Целиот воздушен простор ќе биде затворен до утре наутро во 8 часот.Франција – Затворањето на воздушниот простор е проширено на југот на земјата.

Аеродромите на северниот дел ќе бидат затворени до 2 часот наутро, а на југот ќе нема летови до утре попладне. Аеродромите во париз ќе бидат во застој се до утре наутро.Германија – Германската агенција за воздухопловна безбедност дозволи да бидат отворени за сообраќај шест германски аеродроми. Целиот воздушен простор беше затворен до 20 часот.Австрија – Австриската воздухопловна агенција за вечерва најави проценување на метеролошките услови и резултати од пробните летови. Аеродромите ќе бидат затворени до 2 часот наутро.

Единствените летови кои се дозволени се оние над 12 илјади метри.Белгија – Воздушниот простор ќе биде затворен до 20 часот.Холандија – Целиот воздушен простор ќе биде затворен до 20 часот.Швајцарија – Аеродромите ќе бидат затворени до 8 часот наутро. Дозволени се само одредени летови со висина над 11 илјади метри.Италија – Воздушниот простор на северот на земјата ќе биде затворен до 2 часот наутро.Шпанија – Шпанската управа за авијација соопшти дека попладнево биле отворени аеродромите на северот и истокот на земјата. Вкупно 12 аеродроми беа затворени до денеска до 14 часот.Шведска – Сите аедроми ќе бидат затворени, освен оние на северот.Данска – Воздушниот простор ќе биде затворен до 20 часот.Финска – Воздушниот простор ќе биде затворен до утре до 11 часот.Норвешка –Денеска беше отворен само дел од воздушниот простор над земајта. Властите воведоа рестрикции за летање во централните и северните делови на земјата. Воздушниот простор на крајниот север и југ, вклучувајќи го и Осло, ќе биде и натаму затворен.Бугарија – Воздушниот простор е и натаму затворен.Полска – Воздушниот простор е и натаму затворен. Дозволени се само летови над 6.100 метри.Чешка – Воздушниот простор ќе биде затоврен до утре наутро во 6 часот.Словачка – Воздушниот простор е затворен до вечерва.Русија – Руските авиокомпании ги откажаа летовите за бројни дестинации низ Европа, но летовите низ земјата се дозволени.