МРТ, 20.04.2010

 

Синдикатот на контролата на летање во Грција го одложи штрајкот најавен за 22. и 23. април за да избегне дополнителен застој на авиосообраќајот, предизвикан од облакот вулканска прашина од Исланд. „Имајќи ја предвид настанатата ситуација, не сакаме да придонесуваме кон проблемите на патниците“, изјави вчера претседателот на Синдикатот Ангелос Сотиропулос, при тоа додавајќи дека терминот на штрајкот дополнително ќе биде соопштен. Контролорите минатата недела најавија дека ќе одржат дводневен штрајк во знак на протест поради владините остри мерки за штедење и реорганизација на службата на цивилно воздухопловство.