26.05.2010

 

Индиската државна компанија „Ер Индија“ откажа 76 летови, бидејќи нејзините работници веќе втор ден штрајкуваат. Повеќе илјади патници се блокирани на аеродромите, поради откажувањето на 76-те летови на домашните и меѓународните линии.

Околу 20 илјади работници стапија во штрајк, протестирајќи против наредбата на управата да не разговараат со новинарите, како и против доцнењето на платите и недостигот на членови на екипажите. Работниците стапија во штрајк само неколку дена по падот на авионот „Ер Индија Експрес“ во градот Мангалор во јужна Индија, во кој загинаа 158 лица.