МИА, 14.06.2010

 

Мексико Сити, 14 јуни 2010 (МИА) – Авион со десетина патници и членови на екипажот се урна денеска во оддалечениот шумски реон во јужната мексиканска сојузна држава Кинтана Ро.

Според претставник на властите во Кинтана Ро, со авионот патувале членови на опозициската Инсититуционална револуционерна партија (ПРИ), во рамките на кампањата за регионалните избори закажани за 4 јули.

Авионот полетал од градот Фелипе Кариљо Пуерто и се урнал во густата џунгла неколку минути подоцна. Во тек е акција на спасувачките екипи за пронаоѓање на остатоците на урнатиот авион. сп/9:52