Дневник, 13.05.2010

 

Осумгодишно момче од Холандија ја преживеало несреќата на авионот „А 330“ што се урна вчера на аеродромот во Триполи, изјавија претставници на безбедносната служба на аеродромот.

Авионот експлодира при слетувањето и целосно се распадна – изјави претставник на аеродромот. Во авионот на либиската компанија „Ал Африкија“ се наоѓале 94 патници и 11 членови на екипажот.

Несреќата е најтешка авионска несреќа во Либија од декември 1992 година, кога исто така во близина на Триполи се урна авион во кој загинаа 157 патници и членови на екипажот.