Нетпрес, 17.03.2010

 

Поради големите суши и се погустиот распоред на слетувања и полетувања на авионите, пистата на меѓународниот аеродром “Кинминг” во југозападната кинеска покраина Јунан испукала на неколку места, пренесуваат светските агенции. “Сушата е особено голема оваа година во Јунан, нивото на подземните води опаѓа, а на пистата е постигнат оперативен капацитет поради кој нејзината површина испукала” изјавил заменикот на генералниот директор Пу Шанлеј за државната новинска агенција Синхуа. Пистата поради санирање ќе биде затворена секој работен ден од полноќ до 7,30 часот наутро, а работите ќе траат и следниот месец, пренесува Ројтрес.