Дневник, 16.08.2010

 

Тропските температури кои во изминатите денови ја зафатија Југоисточна Европа, предизвикаа шумски пожари на повеќе места во Грција каде температурата во некои места се движи над 35 степени Целзиусови. Голем пожар избувна во непосредна близина на Атина, во шумскиот дел во областа Вари. Во неговото гаснење учествуваат пожарникари, специјални авиони и еден хеликоптер.Уште еден пожар е забележан во подрачјето на Атина, но огнот е ставен под контрола. Пожарникарите се борат со пожарите и на островот Китира, во југоисточниот дел на Егејското Море. Според најновите извештаи, гори и шумата во областа Темелија, во северозападниот дел на земјата.