А1, 20.04.2010

 

По неколкудневната парализа во европскиот зодушен сообраќај утринава на меѓународниот аеродром во Брисел слета првиот авион од Виена. Аеродромските власти најавуваат дека првото полетување од Брисел веројатно ќе биде по 14 часот.„При давањето одобрение за слетување приоритет ќе имаат авионите што пристигнуваат од Африка, бидејќи многу белгиски патници, кои се блокирани по аеродромите во африканските земји, преживеаја особено големи тешкотии“, изјави државниот секретар за транспорт Етиен Скуп. Според портпаролот на белгиската авиокомпанија „Брисел Ерлајнс„ враќањето на десетиците илјади Белгијци, засегнати од затворањето на воздушниот простор заради вулканскиот облак од Исланд, ќе одземе неколку дена.