Во организација на Агенцијата за цивилно воздухопловство, на 24.04.2025 година, во просториите на Аероклубот Скопје на аеродромот  Стенковец, се одржа работен состанок со претставници од организациите на воздухопловната индустрија  во земјава на тема, “Примена на препораките  од Регулативата (376/2014) на Советот на Европа и европскиот парламент, за пријавување, анализа и последователно постапување во врска со настани во цивилното воздухопловство

На состанокот, на кој учество земаа стручни лица од Агенцијата за цивилно воздухопловство и претставници од организациите на воздухопловната индустрија во државата беше направена и анализа на најното издание на Националната програма за безбедност во воздухопловството.

Работната средба беше од информативен, едукативен и промотивен карактер и имаше за цел да ја информира воздухопловната индустрија за  промените во националната програма за безбедност, обврските кои потекнуваат со примената, состојбата со свесноста за пријавувањето на настани, слабости при примена на регулативата 376/2014, аналитички и статистички приказ како и дефинирање на методите за подобрување.

За таа цел, стручниот воздухопловен персонал од АЦВ, на присутните им промовираше упатства за зајакнување на културата за безбедност и подигнување на нивото на свесност  за пријавување на настани.

На состанокот беа потенцирани и законски решенија за идентификација на опасностите и недостатоците со обработката на податоците од пријавените безбедносни настани, со цел, унапредување на безбедноста во цивилното воздухопловство и имплементирање на проактивен и предиктивен метод во менаџирање на воздухопловната безбедност.

По завршување на презентациите се отвори работна дискусија со која се дефинираа насоките кои треба да се следат со цел, подигнување на степенот на безбедноста на воздушниот сообраќај.