Претставници на АЦВ, на 22 септември 2026 година, во Тиват, Црна Гора, земаа учество на ICAO работилница за спречување судири на птици и диви животни со воздухоплови.

Во рамките на работниот состанок, раководителот на Одделението за SQS и мониторинг на усогласеност при Агенцијата за цивилно воздухопловство, Кире Колевски, одржа презентација на тема „Пријавување на судири на птици со воздухоплови во Република Северна Македонија“.

 

На работилницата беа разгледани предизвиците при пријавувањето и анализата на судирите со птици, мерките за намалување на ризиците, управувањето со живеалиштата во близина на аеродромите и соработката меѓу воздухопловните власти, аеродромските оператори и другите засегнати страни.

Работилницата овозможи размена на искуства и добри практики за унапредување на воздухопловната безбедност.