Агенцијата за цивилно воздухопловство, во соработка со ICAO (International civil aviation organization) од 05 до 13 мај 2025 година, во Скопје, одржа обука за национални инспектори за обезбедување во цивилното воздухопловство (ICAO National Inspectors Course).

Обуката ја следеа 12 учесници, претставници на цивилните воздухопловни власти, како и претставници од аеродромскиот оператор и давателот на АТМ/ANS услуги од земјата и од регионот, од Република Србија, Република Хрватска, Црна Гора и Босна и Херцеговина.

Едукативниот состанок под менторство на меѓународните експерти, имаше за цел, унапредување на знаењата и вештините на инспекторите и стручните лица, при спроведување на контрола на квалитетот во обезбедувањето на цивилното воздухопловство од делокругот на нивната работа.

Националните инспектори за спроведување на безбедноста и нивните стручни соработници, обуката ја искористија и за размена на искуства и знаења, како  успешно да се справат со новите предизвици, при имплементацијата на мерките за обезбедување во цивилното воздухопловство во регионот.